monumenta.ch > Plinius > sectio 33
Word Selection for Searching
Report an Error in this Sectio
Plinius, Naturalis Historia, 2, 33
{VI} et quamvis adsidua conversione immensae celeritatis attollantur ab eo rapianturque in occasum, adverso tamen ire motu per suos quaeque passus. ita fieri, ne convolutus aer eandem in partem aeterna mundi vertigine ignavo globo torpeat, sed fundatur adverso siderum verbere discretus et digestus.